Dua ta pyes ministrin se a është në dijeni për rrënimin e Kullës Demë Ahmeti në komunën e Podujevës. 22 Kërkesa ka qenë që kulla të restaurohet, por ajo është rrënuar tërësisht nga Komuna e Podujevës. Nëse është në dijeni, a ka ndërmarrë Ministria e Kulturës diçka në këtë drejtim? Dhe, tjetra për mua është shumë shqetësuese qysh në Llap dhe Gollak thuajse nuk është ruajtur trashëgimia kulturore hiç. Është marrë me qytetet tjera të Kosovës, por sa i përket anës së Llapit dhe Gollakut thuajse nuk është punuar asgjë në këtë drejtim. 

Pyetja shkon për ministrin e Kulturës, Rinisë e Sportin, zotin Kujtim Gashi. Ka të bëjë me kodin buxhetor për institucionet e kulturës. A është bërë diçka në këtë drejtim deri më tani. Nëse jo, cilat janë planet? Është tejet e rëndësishme, d.m.th. ka kaluar një kohë shumë e gjatë dhe institucionet e kulturës ende nuk e kanë kodin buxhetor që është shumë me rëndësi. 

 Zoti ministër, mendoj që është shumë me rëndësi që këto institucione duhet të pavarësohen. A e sheh të nevojshme që të bëhet plotësim-ndryshimi i ligjeve përkatëse që këto institucione ta kenë kodin buxhetor të tyre, dhe jo vetëm si nënkode buxhetore dhe të mbahen brenda Ministrisë?