Ministri Lekaj, ju keni deklaruar që unë kam nënshkruar projekte natën, publikisht dua ta sqarojmë këtë çështje, çka kam nënshkruar, kur e kam nënshkruar, kush ka qenë me mua, kur e
kam nënshkruar. Natyrisht, po kërkoj prej jush të ma sillni projektin apo kopjen e nënshkrimit tim që unë e kam nënshkruar. Së paku, kështu kanë raportuar media, nëse është gabim, kisha
dashur prej jush ndoshta jo kërkim falje, por një sqarim pak më të hollësishëm. 
 

Në media elektronike të datës 19 janar 2018 (bashkangjitur kopja e deklaratës në gazetaexpress) është raportuar se ju keni deklaruar që kushtet që kanë qenë të arritura për ndërtimin e Termoncentralit “Kosova e Re” nuk ka qenë në përputhje me interesat e shtetit.

Kërkojmë nga Ju që të na sqaroni cilat janë ato kushte, si dhe çka keni ndryshuar para nënshkrimit të kontratës?

Faleminderit, nën! Ministra të nderuar, Po e bëj pyetjen për shkak se ministri Lekaj edhe në seancën e kaluar nuk ka qenë. Ministri Lekaj siç është raportuar në lajmet e mbrëmjes të 13 majit 2018 në KTV ka deklaruar se në rastin e pezullimit të projekteve në Komunën e Lipjanit, se projektet që i kam nisur unë, kanë qenë vetëm në letër dhe pa kode buxhetore. Unë e ftoj ministrin Lekaj publikisht, prej 174 projekteve të reja që i kam nisur gjatë kohës sa e kam udhëheq ministrinë, le ta gjejë vetëm një projekt që nuk ka kod buxhetor. Faleminderit!