Pyetja ka kohë që është bërë, por ka rastisur që ndonjëherë s’ka qenë ministri këtu, ose ndonjëherë s’kam qenë unë. Dua të them se nga të gjitha qeveritë është folur për rrugën Deçan - Plavë, por e njëjta vazhdon të jetë e papërfunduar. Mendoj që është ende e patrajtuar. Kur është bërë pyetja, ende s’e kemi pasur Projektbuxhetin dhe po shihet që ministria juaj, ministër, ka ndarë veç 2 milionë e gjysmë për rrugën Deçan - Plavë, që është një shifër vërtet shumë e ulët. Disa deputetë në mandatin e kaluar, kur qenë ndarë 50 mijë euro për rrugën Deçan - Plavë patën thënë “këto nuk mjaftojnë as për vijat e mesme për t’i caktuar”, ndërsa tash me këtë buxhet që është ndarë nga ministria juaj, po më duket se as sinjalistika për këtë rrugë nuk mjafton, e jo për t’u përfunduar. Sipas planifikimeve të Ministrisë së Infrastrukturës, kur mendoni se mund të përfundojë kjo rrugë?

Ministër, janë dy gjenerata, drejtimi biokimi-fiziologji, janë gjenerata 2005/06, 2006/07,
afërsisht janë sot 80 studentë të diplomuar.
Mirëpo, ende kanë ngelur në dorën e fatit, sepse nuk po mund të licencohen.
Në vitin 2009 është bërë një marrëveshje me rektorat për licencim të këtyre dy gjeneratave.
Më 2009 prapë kryeministri i atëhershëm, zoti Hashim Thaçi, ka nënshkruar vendim që këto dy
gjenerata të licencohen.
Më 2015 janë dorëzuar në Ministri të Shëndetësisë dosjet për licencim. Bordi për licencim në
Ministrinë e Shëndetësisë është arsyetuar se nuk janë profesionistë shëndetësorë dhe kanë
kërkuar module shtesë, mirëpo rektorati e ka refuzuar. Mirë qenka që këtu sot me ne është edhe
ministri i Arsimit, është shumë e pakuptimtë që këto dy gjenerata, gjegjësisht 80 të diplomuar të
sorollaten rrugëve, së paku këto dy drejtime ose këto dy gjenerata janë hapur nga Ministria e
Arsimit e atëhershme dhe shteti i Kosovës ka obligim ndaj këtyre 80 të diplomuarve, në mënyrë
që edhe ata të gjejnë rrugën e vet, sepse me këtë po u pamundësohet edhe punësimi nëpër
institucionet shëndetësore ose punësimi në cilindo institucion.
Dhe unë e di që kohëve të fundit këto gjenerata kanë protestuar para Ministrisë së Shëndetësisë
dhe më pas nuk e di se cili është vendimi i Ministrisë së Shëndetësisë dhe çka do të bëhet me
këta persona.
 

Shpesh herë nëpër mediat tona është përfol çështja e stendave. Shumë pacient që janë trajtuar nëpër klinika private për këtë çështje kanë paguar shuma të larta për këtë intervenim dhe ka ndodhë që kur këta pacient kanë kryer vizita qoftë brenda ose jashtë vendit ka rezultuar që nuk e kanë numrin e stendave për të cilat kanë paguar (nëse ju është thënë që i kanë dy ose tri stenda, ka rezultuar që i kanë një ose dy stenda). Sipas kësaj kjo çështje është komercializuar skajshmërisht dhe mendoj që është shumë shqetësuese.

Cilat janë vendimet që ka marrë Ministria e Shëndetësisë, për të saktësuar ose për të demantuar këto ngjarje?

Komisioni qeveritar ndërministror për përcaktimin e shkallës së invaliditetit ka një sjellje tepër të papërgjegjshme në raport me invalidët e luftës. Unë si mjeke e luftës kam marrë shumë shqetësime nga bashkëluftëtarët, të cilët vetë i kam trajtuar në luftë, por atë që po e përjetoj në këtë komision, sot nuk po hyj në detaje, po para se të ndodhë ndonjë skandal, unë kisha dashur që ministri të ndërmarrë masa dhe të shohë se çka po bëhet. Pyetja ka qenë: A po mbikëqyret puna e këtij komisioni nga ministri dhe nga ministria, sepse vërtet të gjitha ato deklarata që i kam dëgjuar nga bashkëluftëtarët po mendoj që nuk është korrekt ky trajtim që po u bëhet ushtarëve dhe në seancat e radhës ndoshta do të marr përgjigje nga ministri. Faleminderit!

Kryeministër, më datën 21.3.2018 është ratifikuar marrëveshja për demarkacionin, pjesë e këtij ligji është edhe raporti i Komisionit Shtetëror, të njohur si Komisioni Bulliqi. Po ashtu është edhe marrëveshja e nënshkruar në mes të dy presidentëve, me të cilën është dakorduar krijimi i dy komisioneve me qëllim të korrigjimit të gabimeve të shenjëzimit të vijës kufitare. Tash ka kaluar një muaj e sa nga ratifikimi i kësaj marrëveshjeje. Cilat janë veprimet e Qeverisë së Kosovës në këtë drejtim?

Shumë pacientë për trajtim jashtë institucioneve shëndetësore publike kërkojnë ndihmë dhe përkrahje materiale nga ana e Ministrise se Shendetěsisě. Ministria ato raste që i plotësojnë kushtet i përkrah me 70% të shumës së kërkuar duke u bazuar në profaturat e sjella nga institucionet ku ata do të trajtohen, paratë që merren nga Ministria e Shëndetësisë shkojnë direkt në institucionet shëndetësore. Problemi është se pacientet edhe pse e dërgojnë konfirmimin nga Ministria e Shëndetësisë detyrohen të paguajnë të tërë shumën deri sa ju alokohen mjetet nga ministria e shëndetësisë, pacientet me pas po kanë probleme në tërheqjen e dy pagesave nga institucionet e caktuara. Pse nuk bëhet një dakordancë që pacientët ta paguajnë veç shumën e parave që nuk e paguan ministria e shëndetësisë, sepse pacientët po malltretohen me ditë dhe javë për të kthyer paratë?