Përshëndetje z.Haxhiu, si pjesë e Komisionit për Punë dhe Mirëqenie Sociale çka keni bërë që pensionet kontributdhënës të gjithë familjeve të dëshmorëve u janë ndërprerë në vitin 2016, t’iu kthehet e drejta e marrjes së pensioneve që i’u takon, kur dihet që disa kategori janë duke i marrë pensionet e dyfishta. Avokati i popullit, MPMS i ka rekomanduar që ligji që rregullon skemat sociale ta ndryshojnë sepse i’u shkel drejtat e njeriut dhe është diskriminues. 

Përshëndetje i nderuar, desha t'iu pyes se pse ne veteranët që punojmë domethënë në sektorin privat nuk gëzojmë asnjë benificion dhe as pensione?  

Deputeti Haxhiu, kur do të munden personat e verbër, katergoria e parë të mos i nënshtrohen Komisioneve Mediko/Sociale shpesh përderisa ata nuk e dallojnë as dritën nga errësira? Kur personave të verbër do t’iu mundësohet pajisja me libreza të Verbërisë si në vendet e tjera të rajonit dhe të BE- së? A do të ndihmoni që Kushtetuta e Kosovës të zbatohet sa i përket lirisë së asocimit, gjegjësisht që të verbërit të mos detyrohen të asocojnë? A do të ndihmoni që të verbërit të punësohen sipas kualifikimeve e jo sipas listave? Nëse po, si?