Me pak fjalë është ky shqetësimi im, arsyeja e paraqitjes së kësaj pyetje ka të bëj me Ligji Nr. 06/L- 032 për Kontabilitet, Raportim Financiar dhe Auditim. Sipas këtij ligji dhe nenit 29, ka shkelje të të drejtave të studentëve që përfundojnë studimet në nivelin 2-të dhe të 3 - të të studimeve përkatësisht në Financa dhe Kontabilitet pasi ky ligj nuk ju njeh të drejtën që të licensohen si kontabilist e as si auditor dhe pse ata kryejnë hulumtime shkencore për Kontabilitet dhe Auditim. Për shkak se me këtë ligj ju kërkohet të gjithë të diplomuarve në Financa të marrin çertifikata pranë Shoqatave të Kontabilitetit. Pse po bëhet shkelja e të drejtave të studentëve? Nëse mund t'ia parashtroni këtë pyetje edhe Ministrit të Financave.
E nderuar deputete znj.Shqipe Pantina, sa ka avancuar Projektligji për Pagat? Kur do të filloj të implementohet, në rast që arrin të votohet në enjten (afatet ligjore)?
I nderuar Agim, faleminderit për pyetjen. Komisioni për administratë publike, qeverisje lokale dhe media është në përfundim të shqyrtimit të pakos së ligjeve të Reformës në Administratë Publike pjesë e së cilës është edhe Projektligji për Paga. Besojmë se gjatë kësaj jave pra deri me 31 janar edhe komisionet tjera të përhershme do e shqyrtojnë atë dhe do të përcillet e do votohet në seancë. Por zbatimi i këtij ligji nuk do bëhet menjëherë pas hyrjes në fuqi për shkak të implikimeve të larta buxhetore të cilat nuk janë parashikuar për këtë vit, por edhe për shkak se duhet të nxirren një varg rregulloresh e akte tjera nënligjore që lidhen me zbatimin e tij. Pra ligji duhet të filloj zbatimin brenda këtij viti por jo në gjashtëmujorin e parë të tij.
Çfarë ka ndodhur me iniciativën tuaj për zvogëlimin e vjetërsisë së automjeteve që kanë të drejtë të zhdoganohen në Kosovë?
Nëse ka mundësi të na njoftoni në lidhje me koeficientin e pagës së përfaqësuesve ligjor të komunave në projektligjin mbi pagat. A ka mundësi të ketë një barazvlerësim afërsishtë të pagës në mes gjyqtarit dhe përfaqësuesit ligjor të komunave. Është i padrejtë propozimi që paga e gjyqtarit të jetë 2020 euro e paga e përfaqësuesve të komunave 580 euro,duhet të përmirësohet ky diskriminim i lartë që ju bëhet avokatëve të komunave. Presi përgjigje në lidhje me këtë pyetje!
Përshëndetje deputetja Haxhiu, pyetja ime është në lidhje me demarkacionin për të cilin edhe ju keni protestuar me gaz lotsjellës kundër miratimit të tij por që ju e votuat prapë të njëjtin. Si e vlerësoni rezultatin negativ që ka prodhuar ai kundërshtim i juaji si dhe pse nuk po korigjohet vija kufitare me Malin e Zi ashtu siç keni thënë që do të bëhet pas marrëveshjes?
I nderuar deputet, pyetja ime ka të bëj me qëndrimin tuaj për Gjykatën Speciale, si e vlerësoni duke marrë parasysh edhe afektimin tek familja juaj nga ky proces, a është proces në favor të Kosovës apo e kundërta?
Përshëndetje i nderuar i Kuvendit të Kosovës, z. Kadri Veseli. Pse nuk po bëhet shkarkimi i Ministrit të Bujqësisë Nenad Rikallo, duke e parë që ministria e Bujqësisë duhet të jetë më aktivja sa i përket zhvillimit ekonomik dhe unë si qytetar i Republikës së Kosovës nuk shoh diçka që ka arritur ky ministër në sektorin e bujqësisë duke përfshirë këtu edhe zbritjen e çmimit të naftës për bujqit dhe fushatën për ta punuar tokën e Kosovës. Në anën tjetër, ky ministër nuk punon fare me arsyetimin në vete se nëse nuk zhvillohet bujqësia e Kosovës. Serbia dërgon mallra 450 milion euro në Kosovë, kurse sipas mendimit tim zhvillimi i bujqësisë duhet të jetë prioriteti i parë për Qeverinë dhe Kuvendin.
Në fshatin Miradi e Ulët në rrugën Prishtinë - Pejë, kur është ndërtuar ura mbi lumin Sitnica nëse pak rritet niveli i ujit Sitnica është e pamundshme me kalu nën urë për shkak të pamundsisë së nivelit të ujit. Do të ishte mirë i nderuar deputet që ta vizitoni atë pjesë të këtij fshati i cili e lidh komunën e Lipjanit dhe ka qarkullim po kishte me qenë mirë që ju personalisht të interesoheni dhe ta vizitoni atë pjesë.
Do të bisedoj me aktivistët tanë atje, dhe do ta vizitoj atë urë për ta parë më për së afërmi këtë problem.
I nderuar deputet z.Isufi, po i’u pyes në lidhje me Projektligjin për Buxhetin e Republikës së Kosovës. Pse nuk po aprovohet ky projektligj pasi që vetëm se ka filluar që të bllokohet e gjithë ekonomia e Kosovës nëse nuk zhbllokohet buxheti pasi që shumë shërbime kryhen brenda Kosovës?
Projektligji për Buxhetin e Republikës së Kosovës pritet të votohet në fund të muajit janar së bashku me projektligjet tjera, nuk do të bllokohet asgjë për arsye se deri në fund të muajit mars ka kohë që të votohet Projektligji për Buxhetin e Republikës së Kosovës. Me respekt!
E nderuar deputete, a vlerëson që gazi lotsjellës e ka degraduar procesin e liberalizimit të vizave dhe fryerja e listave të veteranëve që edhe ju keni deklaruar a është pozitive apo negative në procesin e liberalizimit të vizave?
Mendoj se procesi i liberalizimit te vizave, absolutisht nuk është i ndërlidhur me fryerjen e listave të veteranëve, siç thoni ju por as me gazin lotsjellës në Kuvend. Asnjëra prej tyre nuk kanë qenë të listuara apo të përcaktuara si kushte apo si kritere që duheshin përmbushur. Madje ështē edhe absurde të tërhiqet kjo paralele pasi që tashmë Kosova i ka të plotësuara të gjitha kriteret e parapara. Këtë e kanë konfirmuar edhe vet përfaqësuesit e lartë të BE- se dhe shumë liderë të këtyre shteteve.
Sidoqoftë ne e kemi thënë disa herë se verifikimi i listave të veteranëve duhet të ndodhë nga organet e drejtësisë, në mënyrë krejtësisht të pavarur. Sepse tek e fundit, askush nuk është mbi ligjin.
Ndërsa për sa i përket “gazit në Kuvend”, kemi menduar dhe mendojmë se ishte forma e vetme për të kundërshtuar kalimin e demarkacionit në variantin e parë dhe krijimin e Asociacionit të Komunave me shumicē serbe” Mendojmë edhe sot se ato e kanë pasur efektin e vet, në mbrojtje të sovranitetit dhe integritetit territorial të vendit.
Si do ta përshkruanit regresin nga gazi lotsjellës në Kuvendin e Kosovës e deri gjyqësori selektiv e deponi lëndësh të pa shqyrtuara, a është edhe ky një rezultati i mos - liberalizimit të vizave?
Përshëndetje i nderuar z. Abrashi. Dua të di cilat janë çështjet që ju i keni ngritur për reformimin e arsimit në përgjithësi si dhe ngritjes së cilesisë në Universitetin e Prishtinës në veçanti? Kam një kërkesë shumë specifike, lidhur me pajisjen e çdo mësimdhënësi me laptop si dhe çdo klase me projektor për ta bërë mësimin më të kapshëm si dhe më kreativ për fëmijët! Sa është e mundur për ta ngritur si çështje dhe gjasat e zbatimit të kësaj reforme në buxhetin e vitit 2019?
I nderuar z.Glauk Konjufca, çështja që më intereson mua si qytetar i Kosovës është sa i përket Ligjit për regjistrimin e veturave më të vjetra se 10 vite. Njëherë u miratua ligji që thoshte se nuk lejohet regjistrimi i veturave më të vjetra se 10 vite, pastaj u kthye ligji i cili pati polemika. Unë dua ta di konkretisht çfarë po ndodhë me këtë ligj? Ju faleminderit!
Përshëndetje i nderuar, jam qytetar i komunës së Kamenicës dhe po të shkruaj për një brengë që në të ardhmën mund të mos jetë fare e këndshme. Lajmin për autostradën Prishtinë-Gjilan-Dheu i Bardhë më së miri e kanë pritur qytetarët e harruar të komunës sonë. I ngazëllyer, unë fillova të shprehë interesim dhe rastësisht në webfaqen: https://www.distancefromto.net, arrij të shoh një plan, i shprehur në hartë, mirëpo papritur pashë dicka që në të ardhmen mund jo vetëm që të shkaktonte pakënaqësi për qytetarët tanë por edhe shpërngulje të mëtejme jashtë Kosovës. Unë nuk arrita të shoh ndonjë pikë hyrëse/dalëse për komunën e Kamenicës, (pikë e cila do duhej të ishtë në Crep). Andaj, i zhgënjyer më këtë fakt, në pamundësi të kontaktit me Ministrin Lekaj, të shkruaj ty me shpresën që do shprehni interesimin mbi këtë problem dhe të merrni masa që mos të na humb shpresa e vetme që kemi për zhvillimin e komunës sonë të ‘prapambetur’. Shpresoj që ajo hartë të jetë e gabuar. Faleminderit!
Poštovani poslaniče Šabani, Postoji li inicijativa u Skupštini Kosova oko učešća Bošnjaka u procesu dijaloga između Kosova i Srbije sa ciljem postizanja pravno obavezujućeg sporazuma. Smatrate li, kao legalni predstavnik Bošnjaka Kosova da bi učešće u dijalogu u sastavu kosovske delegacije trebali uzeti i bošnjački predstavnici sobzirom na ne baš zanemarljiv broj Bošnjaka koji živi na severu zemlje (Mitrovica i Rvatska). Postoji li plan za kanalisanje ove inicijative u skupštini Kosova ili se ova inicijativa svodi samo na novinske tekstove i članke o potrebi učešća Bošnjaka u dijalogu između Kosova i Srbije. Hvala
