E nderuara deputete, cili është qëndrimi i PSD-së në lidhje me Ligjin për Objektet pa Leje, përkatësisht për ato objekte të cilat do të futen në listën e pritjes. Babai im i ndjerë ka blerë truall në Prishtië në vitin 1985, ndërsa ka ndërtuar shtëpinë në vitin 1995. Tani në kadastër po figuron që shtëpia jonë është në pronë publike. Si mendoni që t’i zgjedhin këto probleme, me sa kam pa, ekziston një numër i madh i qytetarëve që ka të njëjtat telashe. Me respekt, Agimi!
I nderuar Agim,
Faleminderit për pyetjen tuaj. Ligji për trajtimin e ndërtimeve pa leje ka kaluar në Kuvend para disa muajsh dhe Ministria e Planifikimit Hapësinor ka qenë përgjegjëse për hartimin e akteve nënligjore që pastaj komunat të fillojnë legalizimin e tyre. Me sa jam në dijeni aktet nënligjore janë miratuar dhe tani komunat janë duke i pranuar kërkesat për legalizim. Ju duhet të aplikoni tek Drejtoria e Urbanizmit në komunë ku edhe do ju japin më shumë detaje rreth kushteve të legalizimit. Nuk besoj se do ketë problem për legalizimin e shtëpive apo ndërtesave që janë në përputhje me planet urbanistike, problemi qëndron tek shtëpitë që janë të ndërtuara në toka publike.
Unë uroj që ju ta legalizonin shtëpinë tuaj shpejt dhe pa probleme.
Sinqerisht,
Shqipja
E nderuara deputete, cili është qëndrimi i PDK-së në lidhje me Ligjin për Objektet pa Leje, përkatësisht për ato objekte të cilat do të futen në listën e pritjes. Babai im i ndjerë ka blerë truall në Prishtië në vitin 1985, ndërsa ka ndërtuar shtëpinë në vitin 1995. Tani në kadastër po figuron që shtëpia jonë është në pronë publike. Si mendoni që t’i zgjedhin këto probleme, me sa kam pa, ekziston një numër i madh i qytetarëve që ka të njëjtat telashe. Me respekt, Agimi!
I nderuar deputet, cili është qëndrimi i VV-së në lidhje me Ligjin për Objektet pa Leje, përkatësisht për ato objekte të cilat do të futen në listën e pritjes. Babai im i ndjerë ka blerë truall në Prishtië në vitin 1985, ndërsa ka ndërtuar shtëpinë në vitin 1995. Tani në kadastër po figuron që shtëpia jonë është në pronë publike. Si mendoni që t’i zgjedhin këto probleme, me sa kam pa, ekziston një numër i madh i qytetarëve që ka të njëjtat telashe. Me respekt, Agimi!
E nderuara deputete, cili është qëndrimi i VV-së në lidhje me Ligjin për Objektet pa Leje, përkatësisht për ato objekte të cilat do të futen në listën e pritjes. Babai im i ndjerë ka blerë truall në Prishtië në vitin 1985, ndërsa ka ndërtuar shtëpinë në vitin 1995. Tani në kadastër po figuron që shtëpia jonë është në pronë publike. Si mendoni që t’i zgjedhin këto probleme, me sa kam pa, ekziston një numër i madh i qytetarëve që ka të njëjtat telashe. Me respekt, Agimi!
Përshëndetje deputeti Nitaj, deshta të të pyes lidhur me plotësim/ndryshimin e Ligjit për Automjete. Pse ky projektligj ende nuk ka ardhur në Kuvend për miratim ose jo, por po zvarritet?
Ligji për automjete ka pësuar ndryshime që nuk kanë qenë të votuara në Komision, prandaj nuk është votuar as në seancë plenare. Tani është në proces të rikthimit në lexim të tretë në Komisionin për Zhvillim Ekonomik.
Kur të kalojë leximi i tretë nxirret për votim në seancë plenare.
I nderuar deputeti Lumir, kërkoj falje nëse nuk po e adresoj këtë pyetje tek personi adekuat! Une desha informata më në detaje rreth Ligjit të Legalizimit që është me ndryshime! Unë e kam legalizuar shtëpinë me ligjin e vjetër gjatë kohës që ka qenë me ligj dhe sa kemi informata si qytetarw shumë pak objekte janë legalizuar mirëpo tani me ligjin e ri sipas diskutimeve do jetë shumë më lirë legalizimi i objekteve. Shtrohet pyetja, po ne që legalizuam me tarifa shumë të lartë me ligjin e kaluar a është e paraparë kompenzimi me ligjin e ri për pjesën e qytetarëve që respektuan ligjin?
Përshëndetje deputeti Haradinaj, po ju shkruaj prap lidhur me pensionet e familjeve të dëshmorëve dhe premtimit publik të Kryeministrit nga partia juaj që do ndalohet e padrejta që u është bërë familjeve të dëshmorëve me ndalesën e pensioneve të dyfishta. Më jeni përgjigjur që është çështje ligjore dhe së shpejti do rregullohet, por po kalojnë më shumë se dy vite dhe ende ska asgjë. Keni formuar një komision ad hoc dhe që realisht është formuar sa për të marr mëditje dhe duke përcjellur punën e tyre shihet se as këtë vit kalendarik nuk ka asgjë. Pse kryeministri nuk e mori vendimin njëjtë sikur për pjestarët e FSK-së dhe ish TMK-së që deri në rregullimin e ligjeve t’iu lejohet edhe familjeve të dëshmorëve marrja e pensioneve të dyfishta, por të diskriminohen në këtë mënyrë.
Përshëndetje e nderuara deputete, para disa ditësh deputetët e votuan projektligjin për RTK-në ku ndër të tjera parashihet edhe pagesa prej 2.50 euro për RTK-në. Krejt kishte me qenë në rregull sikur të kishim cilësi të mirë të transmetimit në transmetimin analog (me antenë të thjeshtë) për ne që nuk kemi kabllovik. Ndoshta ju kujtohet kur Serbia e pengonte RTSH-në para luftës me çfarë cilësie e shikonim asokohe RTSH-në edhe ne tani e shikojmë RTK - në me atë cilësi, cilësi shumë të dobët të fotografisë. Së pari është dashur të dilni në teren e të shikoni se si është cilësia e transmetimit. Nëse nuk besoni ejani deri në Skenderaj edhe e vërtetoni vet. Kjo është një padrejtësi e madhe, të paguash diçka që nuk ka cilësi është sikur bukëpjekësi të ta shes një bukë të pa pjekur. Shpresoj se do të më ktheni përgjigje!
Përshëndetje,
Faleminderit për pyetjen dhe bashkëpunimin.
E di saktë problemin tuaj dhe shumë probleme të Transmetuesit Publik RTK, prandaj edhe nuk e kam votuar atë Projektligj. Do të mundohem që të jap kontribut në lexim të dytë por nëse nuk mundem me bë ndryshime une përsëri nuk do ta votoj Ligjin në fjalë. Edhe njëherë faleminderit për pyetjen dhe bashkëpunimin!
Me konsideratë,
Ganimete Musliu
Përshëndetje z.Veseli, pyetje ime është kjo:pse autostrada Prishtinë-Pejë nuk po vazhdohet por ka mbetur e bllokuar në Malishevë? Ku është problem sepse ajo rrugë ka 10 vite që ka filluar të ndërtohet dhe në ndërkohë po fillojnë të ndërtohen edhe shumë rrugë të tjera por ndërtimi i kësaj rruge nuk po përfundon? Ju përshëndes!
Përshëndetje e nderuara deputete znj.Haxhiu, a mund ta di se pse nuk po rregullohet çështja e punëtorëve të sektorit privat nëpërmjet ligjit, ku qëndron problem apo kujt po i konvenon kjo bllokadë? Falemnderit për mirëkuptim!
Përshëndetje e nderuara deputete znj.Haxhiu, a mund ta di se pse nuk po rregullohet çështja e punëtorëve të sektorit privat nëpërmjet ligjit, ku qëndron problemi?
I nderuar Besart,
ju falenderoj për pyetjen tuaj. Më lejoni të ju informoj që Ligji i Punës i cili është në fuqi, nuk parasheh dallime ndërmjet punëtorit në sektorin privat dhe publik. Në nenin 2 të tij, ku flitet për fushën e zbatimit thuhet se:" Dispozitat e këtij ligji zbatohen për të punësuarit dhe punëdhënësit e sektorit privat dhe publik në Republikën e Kosovës"
Por pavarësisht këtij obligimi, problemi po qëndron tek niveli i zbatimit të tij dhe padyshim që moszbatimi i ligjit sjell probleme të mëdha tek punëtorët dhe ky problem qëndron tek shume institucione me ligje te tjera, për shkak mentalitetit. Tani është në shqyrtim projektligji i ri i punës, duhet parë mundësitë se si të adresohet sërish kjo por poashtu Kuvendi dhe komisioni përkatës, duhet të filloj me mbikëqyrjen e zbatimit të tij, pra duhet të gjinden format e presioneve për zbatim dhe sanksione për të gjithë ata që nuk zbatojnë këtë Ligj.
Ju falenderoj shumë!
Përshëndetje i nderuar deputet z.Lushtaku, para disa ditësh është aprovuar projektligji për RTK-në, për pjesën e pagesës. Kjo kishte me qenë në rregull nëse ne si qytetar të Skenderajt që nuk kemi qasje në kabllovik do të kishim sinjal të mirë të RTK-së. RTK ka një sinjal të tmerrshëm në transmetim analog me antenë të thjeshtë. Nëse RTK-ja kalon në transmetimin digjital tokësor atëherë kishte me qenë në rregull kjo shumë e caktuar. Ju lutem ejani në Skenderaj dhe bindesh vet se çfarë cilësisë ka sinjali i RTK-së. Kjo është absurde të paguash diçka që nuk ka cilësi, së pari cilësia pastaj pagesa. Shpresoj që do të më ktheni përgjegjigje. Ju pershendes, Xhevat Hoxha!
Përshëndetje deputetja Haxhiu, sa kam informacion grupi juaj parlamentar I LVV-së nuk ka dërguar ndonjë anëtarë në komisionin Ad-Hoc për reformën pensionale, komision i cili është formuar qe disa muaj. Desha të di çfarë ka ndodhë me këtë komision meqense më nuk ekziston as në web faqen e Kuvendit të Kosovës dhe nuk ka asnjë informat lidhur me punën dhe angazhimin e këtij komisioni?
I nderuar deputet z.Bilall Sherifi ju zgjodha ju sepse si qytetar i Republikës së Kosovës kam besim tek ju dhe mendoj se më jepni përgjigje të sinqertë. Pyetja është kjo: A do të bëhet ratifikimi i kufirit me Serbinë dhe nëse bëhet a është patjeter të bëhet? Respekt për ju i nderuar!
Përshëndetje deputetja znj.Osmani, deshta të pyes rreth autostradës së Gjilan – Prishtinë. A nuk mendoni se po na vështirson rrugën me këtë autostradë sepse unë nuk besoj se kjo është për të mirën e gjilanasëve por vetëm për interes të njerëzve të cilët merren me këtë autostradë.
Autostrada Prishtinë-Gjilan është bërë me qëllim të lehtësimit të udhëtimit të qytetarëve dhe lidhjes me dy akse rrugore, Autostradën Prishtinë-Shkup, dhe Koridorin e tetë që lidhë Evropën Juglindore me Athinën. Ky projekt ka të kryer edhe studimin e fizibiltetit. Unë shpresoj që kompanitë që merren me ndërtimin e këtij projekti t’i përmbahen normave profesionale dhe etike dhe mos të këtë praktika korruptive gjatë realizimit të projektit.
Përkundër arsyetimit të kësaj autostrade, qeveria e tanishme kanë propozuar edhe autostrada të reja që shkojnë me shpenzime deri në 1 miliardë euro, përkundër faktit që BERZH pati dhënë rekomandim që të kryhet me 70-80 milionë euro. Ky prandaj është keqpërdorim i parasë publike. Qeveria duhet të ndryshojë logjikën e qeverisjes dhe në vend se të shpenzojë mbi 80% të buxhetit në asfallt e paga, duhet t’i drejtojë investimet tek njerëzit, pra në shëndetësi e arsim.
